ain.az xəbər verir, Gununsesi saytına əsaslanaraq.
İran xarici ticarətdə tarazlığı qorumaq üçün və neft ixracına olan təzyiqlərə görə öz yolunu yeraltı sərvətlərə çevirib. İran bu addımı ilə mineral bazarında güclü rol oynamağı hədəfləyir.
Gununsesi.info xarici mediaya istinadən xəbər verir ki, İsraillə artan gərginlik və enerji ixracına təzyiq İranı yeni iqtisadi kurs qurmağa məcbur edir. ABŞ İranın nüvə obyektlərini B-2 bombardmançıları ilə vurduqdan sonra İran Hörmüz boğazını bağlamaq üçün hərəkətə keçib.
Dünya neft ixracının 20 faizinin keçməsinə imkan verən bu boğazın bağlanması İran və dünya üçün ciddi iqtisadi nəticələrə səbəb ola bilər.
ABŞ-nin sanksiyaları və regional təcrid kölgəsi altında hərəkət edən Tehran rəhbərliyi xarici ticarətdə tarazlığı təmin etmək üçün mədənçıxarma sektoruna strateji prioritet verir.
Neft sərvətləri ilə tanınan İran indi gözünü digər yeraltı sərvətlərə çevirib. İqtisadiyyatın şaxələndirilməsi məqsədinə uyğun olaraq dəmir filizi, mis, sink və boksit kimi metallar ön plana çıxır. Bu sahədə qurulan inteqrasiya edilmiş qurğular polad, alüminium və mis emalı kimi sənaye sahələri tərəfindən dəstəklənir.
S&P Global təhlilinə görə, İran neft gəlirlərindən asılılığını azaltmaq və valyuta daxilolmalarını artırmaq məqsədilə mineral ixracını genişləndirməyi hədəfləyir.
Xüsusilə Çin kimi böyük iqtisadiyyatlara fokuslanan İran həm də regional bazarlarda daha güclü oyunçu olmağı planlaşdırır.
Orxan
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
