Yaponiyanın baş naziri Şiqeru İşiba ABŞ-nin İranın nüvə obyektinə hücumuna görə Şimali Atlantika Müqaviləsi Təşkilatının (NATO) Haaqa sammitindən çıxmağı planlaşdırır.
Bu barədə NHK-nın verdiyi məlumatda qeyd edilib.
Məqalədə deyilir: “İşiba Yaxın Şərqdəki gərgin vəziyyəti, o cümlədən ABŞ-nin İranın nüvə obyektlərinə hücumunu nəzərə alaraq, bu həftəyə planlaşdırılan NATO sammitində iştirakını ləğv etməyi düşünür”.
Məqalədə qeyd edilir ki, sammitdə Yaponiyanın baş nazirinin əvəzinə ölkənin xarici işlər naziri Takeşi İvaya iştirak edə bilər. Nəşrin məlumatına görə, qərar həm də ABŞ prezidenti Donald Trampın tədbirdə iştirak etməməsi səbəbindən verilə bilər.
