İsraillə gərginlik səbəbindən enerji ixracatında təzyiq altında olan İran diqqətini yeraltı metal sərvətlərinə yönəldib. Tehran administrasiyası neft gəlirlərindən asılılığı azaltmaq üçün mədənçıxarma sektorunu strateji kozıra çevirməyi hədəfləyir.
İsraillə artan münaqişə İranın neft mərkəzli iqtisadiyyatının kövrəkliyini bir daha ortaya qoydu. Tehran administrasiyası ABŞ sanksiyaları və regional təcrid səbəbindən xarici ticarət və inkişaf strategiyasını yenidən formalaşdırmağa məcburdur. Bu yeni yol xəritəsində metalların strateji əhəmiyyəti enerjidə diversifikasiya qədər vurğulanır.
Dünyanın ən böyük xam neft istehsalçılarından biri olan İran indi digər yeraltı sərvətlərinə: dəmir filizi, mis, sink və boksitlərə müraciət edir. Bu ehtiyatları saflaşdırmaq və əlavə dəyərə çevirmək üçün geniş imkanlar yaradan ölkənin mədənçıxarma sektoru geniş polad, alüminium, mis və sink emalı ilə dəstəklənir. S$P Global-ın təhlilinə görə, İran neft gəlirlərindən asılılığını azaltmaq üçün daha çox mineral ixrac etməyi hədəfləyir. O, həm regional bazarlara, həm də Çin kimi böyük iqtisadiyyatlara açılır.
