Yay mövsümünün vazkeçilməz ünsürlərindən olan qarpız şirəli və şəkərli teksturası ilə süfrələri şənləndirməyə davam edir. İsti yay günlərində qarpızla təravətlənmək və xoşbəxt olmaq üçün düzgün qarpız seçim məsləhətlərini bilməlisiniz. Bəs kəsərkən peşman olmamaq üçün düzgün qarpız necə seçilməlidir?
Hafta.az-ın yazdığına görə, alarkən qarpızın iriliyinə deyil, çəkisinə diqqət yetirmək lazımdır. Qarpız şirəli və təzədirsə, daha ağır olur. Aldığınız qarpız diametrindən daha ağır görünürsə, bu, onun içinin sulu və dadlı olduğunu göstərə bilər.
Bundan başqa, saplağın rənginə baxın. Çünki saplağın rəngi yetişmə dövrü haqqında məlumat verir. Əgər saplaq sarıdırsa, bu onun tam yetişdiyini göstərir. Yox, saplaq yaşıl və təravətlidirsə, kal ola bilər. Ona görə də yaşıl saplaqlı qarpızları seçməməlisiniz.
Saplağı tamamilə quru olan qarpızlar da var. Bu göstərir ki, qarpız budaqda kifayət qədər gözləyərək tam yetişib. Belə qarpızlar adətən çox şirin olur.
Daha bir ipucu da var: qabıqdakı çatlara diqqət yetirin. Əgər qarpız qabığında çatlar incə və hörümçək toru kimidirsə, deməli onun içi həm sulu, həm də ləzzətlidir.
