"Bu gecə bütün dünyaya deyə bilərəm ki, zərbələr möhtəşəm hərbi uğur olub. İranın əsas nüvə zənginləşdirmə obyektləri tamamilə və bütövlükdə məhv edilib. Yaxın Şərqin zorakılıq edəni - İran indi sülhə gəlməlidir. Əgər bunu etməsələr, gələcək hücumlar daha böyük və daha asan olacaq."
Donald Trump-ın çıxışını YouTube kanalımızda izləyin.
Bu sözləri Prezident Donald Trump ABŞ-ın İranda Fordo, Natanz və İsfahan nüvə obyektlərini bombaladığını elan edərkən deyib.
İran dövlət mediası deyib ki, Fordo obyekti "düşmən hücumlarına" məruz qalıb.
İranın xarici işlər naziri Abbas Araqçi iyunun 21-də deyib ki, ABŞ-ın müharibəyə qoşulması "çox təhlükəli" ola bilər.
İsrail baş naziri Benyamin Netanyahu isə deyib ki, "bu gecə Prezident Trump və ABŞ çox güclü davrandı".
ABŞ hərbiyyəsinin yüksək rütbəli rəsmiləri deyiblər ki, hücum zamanı hər nüvə obyektinə iki bomba atılıb, media yazıb.
Tehranın cənubunda, bir dağın içində gizlədilmiş uran zənginləşdirmə obyekti olan Fordo İranın nüvə məqsədləri baxımından həyati əhəmiyyət daşıyır.
