Tunis məhkəməsi keçmiş prezident Monsef Marzukini dövlət təhlükəsizliyini pozmaqda ittiham edərək qiyabi olaraq 22 il həbs cəzasına məhkum edib. Bu barədə şənbə günü, iyunun 21-də “Reuters” agentliyi məlumat yayıb.
Marzuki 2011-2014-cü illərdə Tunisə rəhbərlik edib və bu gün də hazırkı prezident Kays Səidin ən kəskin tənqidçilərindən biri olaraq qalır.
"Bu hakimlərə deyirəm: hökmləriniz etibarsızdır... Tezliklə mühakimə olunacaqsınız. Demokratiya qayıdacaq", - Parisdə mühacirətdə olan 79 yaşlı Marzuki hökmü şərh edib.
Siyasətçi Səidi parlamenti hakimiyyətdən məhrum edəndən sonra avtoritar rejim qurmaqda ittiham edir. Dövlət başçısı da öz növbəsində iddia edir ki, onun hərəkətləri ölkədə vəziyyəti sabitləşdirmək üçün lazım idi.
Söhbət artıq Marzukinin üçüncü hökmündən gedir.
Parisdə Marzuki tənqidlə çıxış etməyə davam edir, bildirir ki, məhkəmə təqibləri onu qorxutmayacaq, Tunisə sərt nəzarət şəraitində idarəetmə yox, demokratiya lazımdır.
Almaz Həsənli
