ABŞ silahlı qüvvələri ABŞ prezidenti Donald Trampın İranla bağlı verə biləcəyi istənilən qərara hazırdır.
Bu barədə ABŞ müdafiə naziri Pit Heqset deyib.
O, ABŞ Senatının Silahlı Qüvvələr Komitəsində dinləmələr zamanı deyib: "İranın razılıq əldə etmək imkanı var idi. Onlar razılıq əldə etməli idilər. Prezident Trampın sözü bir şey deməkdir. Dünya bunu başa düşür. Müdafiə Nazirliyində isə bizim işimiz variantlara hazır olmaqdır və biz məhz bunu edirik".
Pentaqonun İranla silahlı münaqişəyə hazır olub-olmaması ilə bağlı suala cavabında o, "Hər şey üçün planlarımız var" deyib.
