Dənizkənarı Bulvar İdarəsi (DBİ) 2024-cü ili 3 milyon 209 min manat mənfəətlə başa vurub.
Qurumun maliyyə hesabatına görə, bu, 2023-cü illə müqayisədə 25,6 dəfə çoxdur.
Ötən il DBİ-nin əsas əməliyyat gəlirləri 5 milyon 715 min manat (əvvəlki ilə nisbətən 3,45 dəfə az), sair əməliyyat gəlirləri 16 milyon 895 min manat (əvvəlki il olmayıb), istiffadə etdiyi materialların dəyəri 825 min manat (əvvəlki il olmayıb), insan resursları üzrə xərcləri 14 milyon 41 min manat (18,9 % çox), amortizasiya və köhnəlmə xərcləri 1 milyon 442 min manat (16,4 % az), digər əməliyyat xərcləri 3 milyon 24 min manat (15 % az), sair əməliyyat xərcləri 30 min manat (8 dəfə çox), mənfəət vergisi ödəmələri isə 38 min manat (əvvəlki il olmayıb) təşkil edib.
Bu il yanvarın 1-nə DBİ-nin aktivləri 214 milyon 835 min manat olub ki, bu da illik müqayisədə 42,5 % azdır. Hesabat dövründə qurumun öhdəlikləri 1 % artaraq 24 milyon 277 min manata, balans kapitalı isə 45,4 % azalaraq 190 milyon 557 min manata çatıb.
Xatırladaq ki, DBİ 2008-ci ildə yaradılıb. Onun nizamnamə kapitalı 65 milyon 211 min manatdır. İdarə Dənizkənarı Milli Parkın, Dövlət Bayrağı Meydanının, Dövlət Bayrağı Muzeyinin mühafizəsi, onların ərazisinə nəzarət və onların idarə edilməsi, saxlanılması, cari fəaliyyətinin və perspektiv inkişafının təmin edilməsi sahəsində fəaliyyət göstərən publik hüquqi şəxsdir.
© "Report"
