Tramp Karlsonu İran münaqişəsi ilə bağlı mövqeyinə görə “dəli” adlandırıb
ABŞ prezidenti Donald Tramp jurnalist Taker Karlsonu İran-İsrail münaqişəsi ilə bağlı Ağ Evin mövqeyi ilə razılaşmadığına görə sərt səciyyələndirib. Karlson ABŞ-ın İranla müharibədə iştirakına fəal şəkildə qarşı çıxır.
"Zəhmət olmasa, kimsə çılğın Taker Karlsona başa salsın ki, İran nüvə silahına malik ola bilməz!" - deyə, Tramp "Truth" sosial şəbəkəsində qeyd edib.
Jurnalist bir gün əvvəl İranla mümkün müharibənin Amerikanın dünyada nüfuzunun dağılmasına və Donald Trampın prezidentliyinin faktiki olaraq sona çatmasına səbəb ola biləcəyini deyib. Onun fikrincə, ABŞ Yaxın Şərqdə genişmiqyaslı müharibəyə hazır deyil.
