İsfahan vilayəti qubernatorunun müavini Əkbər Salehi bildirib ki, İran Natanz nüvə obyektini hədəf alan İsrailin pilotsuz uçuş aparatını (PUA) vurub, CNN xəbər verir.
NOCOMMENT.az xəbər verir ki, bu barədə Lenta.ru məlumat yayıb.
“İslam İnqilabı Keşikçiləri Korpusunun (SEPAH) Aerokosmik Qüvvələri bu səhər Natanz nüvə obyektinin hava hücumundan müdafiə səviyyələrindən birində Sevom-e Xordad yer-hava raketindən (SAM) istifadə edərək İsrailə məxsus pilotsuz təyyarəni ələ keçirib və vurub”, – deyə rəsmi bildirib.
Bundan əvvəl İsrail Müdafiə Qüvvələri (IDF) İranın qərbindəki hərbi obyektlərə bir sıra yeni irimiqyaslı zərbələr endirib . İsrail ordusunun məlumatına görə, yer-yer tipli raketlərin və buraxılış qurğularının saxlanması üçün onlarla infrastruktur obyekti məhv edilib.
Eyni zamanda Tel-Əvivdə partlayışların baş verdiyi, İsrailin müxtəlif yerlərində hava hücumu sirenlərinin səsləndiyi bildirilir. İranın raket hücumu fonunda ölkənin hava hücumundan müdafiə sistemləri aktiv şəkildə fəaliyyət göstərir.
