Səudiyyə Ərəbistanı və Yaxın Şərqdə mümkün müharibədən narahat olan digər Körfəz ölkələri ABŞ prezidenti Donald Trampa lobbiçilik edərək, israillilərə kampaniyalarını dayandırmaları üçün təzyiq edirlər.
NOCOMMENT.az xəbər verir ki, bu barədə “The Wall Street Journal” (WSJ) yazır.
Nəşrin qeyd etdiyi kimi, İsrailin hücumlarını dayandıracağı təqdirdə İran artıq danışıqlar masasına qayıtmağa hazır olduğunu bildirib . “Gələcəkdə təcavüz dayanarsa, diplomatiyaya qayıdış üçün zəmin hazırlanacağı göz qabağındadır”, – İranın xarici işlər naziri Abbas Əraqçi deyib.
Bununla belə, İsrailin maliyyə nazirinin sözlərinə görə, Amerika lideri israillilərə hərbi kampaniyanı dayandırmaq üçün təzyiq etmir. “Tramp bizə dayanmağı demir” – deyə o, aydınlaşdırıb.
Tramp bundan əvvəl Vaşinqtona qayıtmaq və İsrail və İran arasında atəşkəs üzərində işləmək üçün Kanadada keçirilən G7 sammitini tərk etmədiyini bildirmişdi. Ağ Evin rəhbəri, əsl məqsədinin “daha ciddi” olduğunu açıqladı.
