G7 ölkələrinin liderləri Kanadada keçiriləcək sammitdə Rusiyaya qarşı sanksiyaları müzakirə edəcək, ABŞ prezidenti Donald Tramp isə görüşdə iştirak etməyəcək.
Editor.az bu barədə Politico-ya istinadla xəbər verir.
Bildirilir ki, G7-nin qalan liderləri Rusiyaya qarşı sanksiyaların sərtləşdirilməsinə diqqət yetirəcəklər. Qonaqlar arasında Ukrayna prezidenti Volodimir Zelenski də olacaq.
Nəşr xatırladır ki, Tramp sammit zamanı Rusiyaya qarşı yeni tədbirlərin tətbiqinə razı olmayacağını açıq şəkildə bildirmişdi. O bildirib ki, sanksiyalar baha başa gəlir, ona görə də Avropa İttifaqı onlardan ilk imtina etməlidir. Siyasətçi həmçinin Ukrayna ilə bağlı razılaşmaların əldə olunacağına ümid etdiyini bildirib.
Aİ və Böyük Britaniya “daha koordinasiyalı” məhdudiyyətlər tətbiq etməyə çalışır. Məqalədə bildirilir ki, ABŞ prezidenti indiyədək yeni məhdudiyyətləri, o cümlədən Rusiya neftinin qiymətinin bir barel üçün tavanını 60 dollardan 45 dollara endirmək təklifini qəbul etməkdən imtina edib.
Qeyd edək ki, G7 sammiti bu il iyunun 15-dən 17-dək Kanadanın Alberta əyalətində keçirilir.
//Gülnarə Abasova, Editor.az
