İsrail Tehranın hava hücumundan müdafiə sistemlərini məhv edib və səmada hökmranlıq edir.
Axar.az xəbər verir ki, bunu İsrail Müdafiə Qüvvələri Baş Qərargahının istefada olan polkovnik-leytenantı və hərbi ekspert Mark Babot bildirib.
"Bizim Hərbi Hava Qüvvələrimiz İran üzərində, xüsusən də Tehran üzərində işləyir, sanki bu, bizim hava məkanımızdır. Biz orada səmada tam üstünlük təşkil edirik. Bütün təriflənmiş Rusiya, Sovet və İranın hava hücumundan müdafiə və raketdən müdafiə sistemləri məhv edilib”, - ekspert vurğulayıb.
Babot qeyd edib ki, İranın nüvə proqramını tamamilə məhv etmək hələ mümkün deyil. Səbəb onun obyektlərini vurmağın çətinliyidir:
"Ümid edirik ki, bəlkə nə vaxtsa ABŞ da qoşulacaq. Sonra onların 10 tondan çox bombaya sahib böyük bombardmançıları dağın altında gizlənmiş obyektlərlə nəsə edə biləcəklər”.
