ain.az, Oxu.az saytına istinadən bildirir.
Çində 13 il əvvəl elektrik cərəyanı vurduqdan sonra bütün əzalarını itirmiş 36 yaşlı xəstəyə ilk beyin-kompüter interfeysinin (BCI) implantasiyası uğurla həyata keçirilib.
Oxu.Az xəbər verir ki, bu barədə "Global Times" (GT) məlumat verib.
Miniatür implant sayəsində kişi indi düşüncə gücü ilə kompüteri idarə edə bilir ki, bu da ona şahmat və video oyunları oynamağa imkan verir.
Bu, Çin Elmlər Akademiyasının alimləri və Huaşan Universitetinin xəstəxanasında neyrocərrahların beş illik işinin nəticəsi olub. Beləliklə, Çin ABŞ-dən sonra klinik praktikada invaziv sinir interfeysini tətbiq edən ikinci ölkə olub.
Sikkə ölçüsündə (diametri 26 mm və qalınlığı 6 mm-dən az) ultranazik çip 2025-ci ilin martında xəstənin beyninə implantasiya edilib. Cihazın insan tükündən daha nazik olan unikal elektrodları beyin toxumasının zədələnməsini minimuma endirərək sinir siqnallarının oxunmasında yüksək dəqiqliyi təmin edir.
Tədqiqatçılar sistemin yüksəksürətli olduğunu qeyd edirlər: sinir impulslarının oxunmasından tutmuş əmrin yerinə yetirilməsinə qədər bütün proses millisaniyələr çəkir.
Bu texnologiya tam iflic, amputasiya və neyrodegenerativ xəstəlikləri olan xəstələr üçün yeni imkanlar açır. Tərtibatçılar sistemi 2028-ci ilə qədər bazara çıxarmağı planlaşdırırlar.
Hadisənin gedişatını izləmək üçün ain.az saytında ən son yeniliklərə baxın.
