“Real”ın hücumçusu Vinisius Junior komandanın növbəti mövsümdə bütün titulları hədəfləyəcəyini bildirib.
Sportinfo.az xarici KİV-ə istinadən xəbər verir ki, braziliyalı futbolçu sosial şəbəkə hesabındakı paylaşımında bunları qeyd edib:
“Növbəti mövsümdə trebl qazanmaq? Əlbəttə, cənab”.
24 yaşlı futbolçu son mövsümdə 52 matçda 21 qol vurub və 18 məhsuldar ötürmə edib. Onun Madrid klubu ilə müqaviləsi 2027-ci ilin iyun ayının sonuna qədərdir.
“Real” son mövsümdə İspaniya La Liqasının turnir cədvəlini 2-ci pillədə başa vurub.
