Yenisabah saytından əldə olunan məlumata görə, ain.az məlumat yayır.
2025-ci ilin yayı astroloji mənzərədə nadir və güclü bir kosmik hadisə ilə yadda qalacaq. Söhbət Saturn və Neptunun qoç bürcündə qovuşmasından gedir. Bu planetar qarşılaşma yalnız astronomik baxımdan deyil, həm də simvolik və psixoloji səviyyədə dərin mənalar daşıyır. Bu qovuşma xüsusilə qoç, balıqlar və oğlaq bürclərinin həyatında böyük dönüş nöqtəsi olacaq və bütöv bəşəriyyət üçün yeni 36 illik bir dövrün başlanğıcı kimi qiymətləndirilir.
Yenisabah.az tarixi qovuşmanın 3 bürc üçün təsirlərini araşdırıb:
QOÇ
Qoç bürcü üçün bu qovuşma birbaşa və güclü təsirə malikdir. Saturn, qoçları daha məsuliyyətli, məqsədyönlü və strateji düşünməyə sövq edəcək. Neptun isə onların yaradıcılığını və ruhani potensialını ortaya çıxaracaq. Uzun müddətdir daxildə daşıdıqları ideyalar və arzular artıq gerçəkləşmək üçün uyğun şərait tapacaq. Bu dövr, qoçlar üçün liderlik, şəxsiyyət inqilabı və karmik borcların ödənilməsi dövrü olacaq.
BALIQLAR
Balıqlar Neptun tərəfindən idarə olunan bürcdür, bu səbəbdən planetin Saturnla qovuşması onların həyatında daxili oyanış və ruhani intizam gətirəcək. Balıqlar üçün 2025 yayı, indiyədək reallaşmayan arzuların konkret planlara çevriləcəyi bir mərhələ ola bilər. Eyni zamanda bəzi xəyal qırıqlıqları da mümkündür. Neptunun sərhədsiz enerjisi Saturnun sərt strukturlarına toqquşarkən, balıqlar reallıqla barışmağa və həyatlarını daha praqmatik şəkildə qurmağa məcbur olacaqlar.
OĞLAQ
Oğlaq bürcü də Saturnun idarəçiliyindədir, bu səbəbdən bu planetin Neptunla qovuşması onların karyera, sosial status və şəxsi missiya anlayışlarında ciddi dəyişikliklər yaradacaq. Artıq maddi uğurlarla yanaşı mənəvi məqsədlər də ön plana keçəcək. Oğlaqlar üçün bu dövr, həm iş həyatında, həm də şəxsi dəyərlərdə yenidən qurma və transformasiya mərhələsi olacaq. Qəbul etdikləri qərarlar gələcək 36 ilin strukturunu müəyyən edəcək.
Bu dəyişikliklər nəyi simvolizə edir?
Saturn və Neptunun qoçdakı qovuşması, bəşəriyyətin yeni bir dövrə keçidini simvolizə edir – idealist məqsədlərlə reallığın birləşməsi, fərdi azadlıq və kollektiv məsuliyyətin harmoniyası. Bu qovuşma həmçinin texnoloji inkişaflar, sosial strukturların yenilənməsi və yeni liderlik formalarının ortaya çıxması ilə müşayiət oluna bilər.
Bu hadisə təkcə astrologiya baxımından deyil, psixoloji və sosioloji səviyyədə də cəmiyyətin inkişafını formalaşdıracaq bir enerji dəyişimi kimi başa düşülə bilər.
Nazim Hacıyev
Sonrakı hadisələr barədə daha çox məlumat almaq üçün ain.az saytını izləyin.
