Tramp immiqrantların deportasiyası üçün səylərin gücləndirilməsi əmrini verdi

ABŞ prezidenti Donald Tramp bəzi böyük şəhərlərdə etirazlara baxmayaraq, ölkədə mühacirlərə qarşı deportasiya və həbs tədbirlərinin gücləndirilməsi barədə göstəriş verib.

Turkustan.az xəbər verir ki, Tramp “Truth Social” hesabında başda Los-Anceles olmaqla böyük şəhərlərdə keçirilən nümayişlərlə bağlı administrasiyanın immiqrasiya siyasətini tənqid etmək üçün açıqlamalar verib.

İmmiqrasiya və Gömrük Mühafizəsinin (ICE) “tarixdə qeyri-qanuni mühacirlərin ən böyük kütləvi deportasiya əməliyyatını” həyata keçirdiyini müdafiə edən Tramp: “Bizi işimizi görməkdən heç nə yayındıra bilməz” dedi.

Tramp ICE rəsmilərinə “tarixdə yeganə ən böyük kütləvi deportasiya proqramını həyata keçirmək üçün əllərindən gələni etməyi” əmr etdi.

Los-Anceles, Çikaqo və Nyu-York kimi şəhərlərdə qeyri-qanuni mühacirlərə qarşı deportasiya və həbs cəhdlərinin gücləndirilməsi lazım olduğuna diqqət çəkən Tramp, bu şəhərlərdəki Demokrat siyasətçiləri qeyri-qanuni mühacirlərdən istifadə edərək “seçici bazalarını artırmaqda” və “ABŞ vətəndaşlarından iş və imkanları oğurlamaqda” günahlandırıb.

Aytən Yaşar/ Turkustan.az