İranla müharibə başlayandan sonra 48 saat ərzində İsrail Tehran da daxil olmaqla ölkənin qərb hissəsində hava üstünlüyünə nail olduğunu iddia edib.
Moderator.az "UNİAN"-a istinadla xəbər verir ki, “The Wall Street Journal” yazır ki, bu, nəhəng Rusiya Hərbi Hava Qüvvələrinin 3,5 illik müharibədə Ukraynada əldə edə bilmədiyi nailiyyətdir. Və bu uğursuzluq rus qoşunlarının səngər müharibəsində bataqlaşmasının, böyük itkilər verməsinin səbəblərindən biridir.
“Rusiya və Ukrayna arasında müharibə vəziyyətində, tərəflərdən heç biri hava üstünlüyünə nail ola bilməyəndə nə baş verdiyini görürük: dalana dirəniş və tükəndirmə müharibəsi.
İsrail və İran arasında müharibə vəziyyətində bu, onlara İranın bəzi hissələri üzərində hava üstünlüyünə malik olduqları yerə zərbə endirmək üçün qeyri-məhdud azadlıq verir”, - ABŞ Hərbi Hava Qüvvələrinin istefada olan general-leytenantı David Deptula bildirib.
İsrailin ilkin hava hücumları beşinci nəsil "F-35" gizli təyyarələri ilə həyata keçirilib. İndi İranın hava hücumundan müdafiə vasitələrinin əksəriyyəti sıradan çıxarıldığı üçün "F-15" və "F-16" kimi köhnə döyüş təyyarələri döyüşə girir. İsrail həmçinin raketlərdən daha ucuz və daha asan əldə edilə bilən qısa mənzilli "JDAM" və "Spice" idarə olunan bombaları atmağa başlayıb.
"WSJ"-nin qeyd etdiyi kimi, israillilər İrana qarşı öz kampaniyalarını planlaşdırmaqda Rusiyanın uğursuzluqlarından və Ukraynanın uğurlarından dərs alıblar.
“Ancaq müdafiə rəsmiləri və analitiklərinin fikrincə, indiyə qədər ən bariz dərs odur ki, İsrail Hərbi Hava Qüvvələri mahiyyət etibarilə Rusiyadan daha bacarıqlıdır, Ukrayna isə özünü müdafiə etməkdə İrandan qat-qat üstündür”.
Həmçinin Britaniyanın istefada olan aviasiya marşalı Edvard Stringerin qeyd etdiyi kimi, İsrail Hərbi Hava Qüvvələrinin mükəmməl təlimi və innovasiyası, kəşfiyyat və kiber imkanların inteqrasiyası ilə birlikdə, rusların uğursuz olduğu yerdə israillilərin uğur qazanmasının əsas səbəbidir.
S.Laçın
