Xəbər verdiyimiz kimi, İran Prezidenti Məsud Pezeşkian İran xalqına müraciət edib.
Musavat.com “Tehran Times” nəşrinə istinadən xəbər verir ki, prezident xalqa müraciətində İran xalqının və ölkə rəsmilərinin İsrailin cinayətləri qarşısında səssiz qalmayacağını, İran İslam Respublikasının qanuni və güclü cavab verəcəyini və İsraili öz axmaq əməllərindən peşman edəcəyini bəyan edib.
Prezident həmçinin bildirib ki, indi milli birlik hər zamankindən daha vacibdir:
“Bu gün İran xalqının etimada, empatiyaya, birliyə və həmrəyliyə hər zamankından daha çox ehtiyacı var. İnşallah, belə bir dəyərli ruhla işğalçı rejimin cinayətlərinə sərt, rasional və güclü cavab verəcək”.
Nigar HƏSƏNLİ,
Musavat.com
