London, 12 iyun, AZƏRTAC
Hindistanda qəzaya uğrayan “Air India” təyyarəsinin sərnişinlərindən birinin, Britaniya vətəndaşı olan şəxsin sağ qalması barədə məlumat yayılıb.
AZƏRTAC BBC-yə istinadla xəbər verir ki, bu barədə Əhmədabad şəhərinin polis komissarı GS Malik Hindistanın ANI xəbər agentliyinə bildirib. O, təyyarədə 11A oturacağında əyləşən sərnişin Vishvaş Kumar Rameşin qəza zamanı sağ qaldığını və hazırda xəstəxanada müalicə olunduğunu qeyd edib.
Hindistan mediasının məlumatına görə, onlar xəstəxanada sağ qalan şəxs ilə əlaqə saxlayıb, o isə biletini göstərərək öz yerini təsdiqləyib.
Aytən Abbaslı
AZƏRTAC-ın xüsusi müxbiri
London
