Ermənistanın baş naziri Nikol Paşinyanın Erməni Apostol Kilsəsinə (EAK) və katolikoslara qarşı hücumları dövlət çevrilişinə cəhddir.
Herbiand.az xəbər verir ki, bu fikirləri “Sputnik Ermənistan”a müsahibəsində siyasi şərhçi Vigen Akopyan bildirib.
Son iki həftə ərzində Ermənistan hökuməti ilə Erməni Apostol Kilsəsi arasında münasibətlərin kəskinləşməsinin yeni mərhələsi müşahidə olunur. Hakimiyyət kilsə ruhanilərini günahkar davranışlarda təqsirləndirir.
Öz növbəsində, din xadimləri hakimiyyətin konstitusiyaya zidd hərəkətlərini - təkcə EAK ilə bağlı mövqeyinə görə deyil, həm də həyata keçirilən dövlət siyasəti ilə bağlı tənqid edir.
"Paşinyanın gördüyü, danışdığı Ermənistanın hazırkı Konstitusiyası nöqteyi-nəzərindən, mahiyyət etibarı ilə dövlət çevrilişinə cəhddir. Bu, hətta adi gözlə də görünür. Paşinyanın səy göstərdiyini başa düşmək üçün hüquq-mühafizə orqanının əməkdaşı və ya konstitusiya hüququ üzrə mütəxəssis olmaq lazım deyil”.
