"Liverpul" hücumçu Darvin Nunesin satışından 70 milyon avro qazanmaq istəyir.
Operativ Media xəbər verir ki, bu barədə "TalkSport" məlumat yayıb.
Mənbənin məlumatına görə, mersisaydlılar Nunesin transfer dəyərini müəyyənləşdirərkən "Əl-Nəsr" klubunun ona qışda etdiyi təklifi də nəzərə alırlar. Futbolçunun özü Səudiyyə Ərəbistanına keçmək ehtimalını istisna etmir, lakin daha çox İspaniya və ya İtaliyadan olan bir komandaya transfer olunmaq arzusundadır. Onunla "Atletiko Madrid" klubu maraqlanır.
Mayın 30-da 25 yaşlı Nunesin yay transfer pəncərəsində “Atletiko Madrid” ilə şifahi razılığa gəldiyi bildirilmişdi.
Ötən mövsüm o, "Liverpul"un heyətində bütün turnirlərdə 47 oyuna çıxıb, 7 qol vurub və 7 məhsuldar ötürmə edib. Uruqvaylının İngiltərə klubu ilə müqaviləsi 2028-ci ilin yayına qədər qüvvədədir.
"Transfermarkt" portalı futbolçunun dəyərini 45 milyon avro olaraq qiymətləndirir.
