AFFA-nın Beynəlxalq Əlaqələr Şöbəsinin müdiri, AFFA İcraiyyə Komitəsinin üzvü Könül Mehdiyeva beynəlxalq oyuna təyinat alıb.
Arena.az xəbər verir ki, o, Çempionlar Liqasının qrup mərhələsinin sonuncu – 6-cı turunun oyununda UEFA nümayəndəsi olacaq.
Belə ki, Könül Mehdiyeva Belçikada yerli “Antverpen” və İspaniyanın “Barselona” komandaları arasında gerçəkləşəcək oyunda iş başında olacaq.
Qarşılaşma dekabrın 13-də Belçikanın Deurne şəhərində keçiriləcək. Oyuna Bakı vaxtı ilə 00:00-da start veriləcək.
