Dəqiqləşdirilmiş məlumata əsasən, gecə saatlarında Hacıqabul rayonunun Nəvahı qəsəbəsində baş vermiş yanğın hadisəsi taxta konstruksiyadan ibarət barak tipli yaşayış evində baş verib.
APA xəbər verir ki, bu barədə FHN-dən bildirilib.
***
04.06
Hacıqabul rayonunun Navahı qəsəbəsində fərdi yaşayış evində baş vermiş yanğın Fövqəladə Hallar Nazirliyinin yanğından mühafizə bölmələri tərəfindən söndürülüb.
Bu barədə APA-ya FHN-dən bildirilib.
***
03.13
Fövqəladə Hallar Nazirliyinin (FHN) "112" qaynar telefon xəttinə Hacıqabul rayonunun Navahı qəsəbəsində fərdi yaşayış evində yanğın olması barədə ilkin məlumat daxil olub.
APA xəbər verir ki, məlumatla əlaqədar FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğınsöndürmə işləri davam edir.
Əlavə məlumat veriləcək.
***
02.52
Hacıqabuldakı baş verən yanğının bəzi təfərrüatları məlum olub.
APA-nın hadisə yerində olan müxbiri xəbər verir ki, yanğın nəticəsində bir ailənin 4 üzvü - Cəlilabad sakini, 1950-ci il təvəllüdlü Abışova Sara, onun qızı 1981-ci il təvəllüdlü Hacıqabul sakini, Abışova Aybəniz Yolçu qızı, övladları- 2010-cu il təvəllüdlü Sadıqova Zəhra Elçin qızı, 2012-ci il Sadıqov Elgün Elçin oğlu və digər ailənin üzvü, 1943-cü il təvəllüdlü Mahmudov Mütəllim Əliyar oğlu yanaraq həlak olublar.
Sara Abışovanın Cəlilabaddan qızıgilə qonaq gəldiyi bildirilir.
Daha 2 nəfər yanıq xəsarətləri ilə xəstəxanaya yerləşdirilib. Hazırda onların adları dəqiqləşdirilir.
***
02.43
Xəbərə foto və video əlavə olunub.
***
02.32
Hacıqabul rayonunun Navahı kəndində yanğın baş verib.
APA xəbər verir ki, yanğın nəticəsində yaşayış evinin damı uçub. Hadisə zamanı 5 nəfər ailə üzvü də evdə olub. Qohumların dediyinə görə onlar yanğında həlak olub.
Hadisə yerinə 3 yanğınsöndürən avtomobil cəlb olunub. Güclü külək alovla mübarizəni çətinləşdirir. Hazırda yanğın lokallaşdırılıb.
