Belqrad yeni silahlar, yəni Rusiyadan Repellent elektron müharibə (EW) kompleksi və Çindən FK-3 zenit-raket kompleksləri (SAM) alıb.
News24.az xəbər verir ki, bunu Serbiya prezidenti Aleksandr Vuçiç deyib.
“Artıq fevralın 15-də, bayramda (Serbiyanın Dövlətçilik Günü) siz Rusiyadan gətirdiyimiz və çoxdan pulunu ödədiyimiz ilk vacib sistemi - Repellent elektron müharibə sistemini görəcəksiniz. O, artıq bizim əlimizdədir və düşmənin pilotsuz təyyarələrinə qarşı elektron döyüş üçün nəzərdə tutulub, bu, bizim üçün vacibdir”,- deyə prezident bildirib.
Vuçiç əlavə edib ki, Belqrad nəhayət Çinin FK-3 batareyalarını təchiz etməyə yaxındır. O, hərbi-sənaye kompleksinin və ölkənin müdafiə qabiliyyətinin gücləndirilməsinin əsas prioritetlərdən biri olduğunu vurğulayıb.
Mehriban Mirzəzadə
