Onlayn terapiyanın üstünlükləri NƏLƏRDİR? - DİQQƏT! - PSİXOLOQ AÇIQLADI

“Bütün insanların psixoloqa gəlmək şansı olmur, amma insanlar psixoloji dəstək almaq istəyirlər”. Bu sözləri SİA-ya açıqlamasında psixoloq Gülər Məmmədova deyib.

Onun sözlərinə görə, bunları nəzərə alaraq insanlar onlayn terapiyaya qoşulurlar: “Yəni vətəndə yaşamayıbda başqa ölkədə yaşayaraq, hətta saat fərqi olsa belə həmin insanlar, şəxslər psixoloji problemlərini həll etmək üçün mütəxəsissə müraciət edirlər. Təbii ki, etimad göstərdikləri mütəxəssisə müraciət edirlər. Çünki onların yaşadığı bölgədə başqa millətlər olduğundan, psixologiyaya görə psixoloji dəstək almaya bilərlər və ya problemlərini çözə, təhlil, analiz, sintez etməyə bilərlər. Bu səbəbdən də məcburiyyət qarşısında onlayn terapiyaya üst tuturlar.

Onlayn terapiyanı edən bir mütəxəssis olaraq eyd edim ki, çox böyük uğurları olur, insanlar öz problemlərini təhlil edə bilir. Həmçinin üzbəüz surət olmasa da yəni insanlarla onlayn görüntülü danışaraq əsas onu dinləmə prosesi baş verir. Onlayn terapiyanın çox müsbət tərəfləri olur. Yalnız bir çox insanlar var ki, onlarda müəyyən danışıq pozuntuları var və canlı üzbəüz seanslara gəlmək istəyirlər. Canlı görüş daha məqsədəuyğun olur. Qeyd etdiyim kimi körpəsi olan, heç cür onlayn zəngə qatıla bilməyən və yalnız hədsiz dərəcədə psixoloji müaniyəyə və terapiyaya ehtiyacı olanlar üçün bunun çox böyük əhəmiyyəti var”.

Sevilin Abbasova