Azpolitika.az saytından alınan məlumatlara görə, ain.az xəbər verir.
Belarus müntəzəm olaraq Ukraynanın dron hücumları ilə rastlaşır.
“AzPolitika” xəbər verir ki, bunu Belarus Təhlükəsizlik Şurasının katibi Aleksandr Volfoviç Moskvada KTMT Təhlükəsizlik Şuraları Katibləri Komitəsinin iclasında deyib. Belarus mediası onun çıxışından sitatlar gətirib.
Volfoviçin sözlərinə görə, Belarus hava hücumundan müdafiə qüvvələri Ukrayna döyüş dronlarının sərhədi keçməsini hər gün aşkarlayır: "Bəzi hallarda bunlar təsadüfi hücumlar deyil, guya təsadüfi uçuşlar adı altında sərhəd infrastrukturunun elementlərinə zərbə endirmək cəhdləridir".
Belarus rəsmisi iddia edir ki, təkcə son bir həftə ərzində ölkənin hava məkanında 116 Ukrayna PUA-sı aşkar edilib. O əlavə edib ki, həyəcan siqnalı verən hava hücumundan müdafiə qüvvələri dronlara qarşı 59 dəfə əks tədbirlər görüblər.
Bundan əlavə, Volfoviç Ukraynanı sərhəd ərazilərini minalamaqda və Belarus ərazisi üzərində fəal şəkildə kəşfiyyat aparmaqda günahlandırıb.
Qeyd edək ki, bir neçə gün əvvəl Belarus Prezidenti Aleksandr Lukaşenko ölkəsinin “təcavüzlə qarşılaşarsa” müharibəyə qoşula biləcəyini bəyan etmişdi.
“AzPolitika.info”
Ən son xəbərləri və yenilikləri almaq üçün ain.az saytını izləyin.
