Olke.az portalından əldə olunan məlumata əsasən, ain.az xəbər verir.
Psixoloqlar hesab edir ki, uzunmüddətli uğurun sirri istedad və ya motivasiyadan çox, insanın gündəlik davranışlarında gizlənir. Aparılan araşdırmalar göstərir ki, uğurlu insanları digərlərindən fərqləndirən əsas xüsusiyyətlər çətinlik və monotonluq qarşısında davamlı qala bilmələridir.
Ölkə.az Valyuta.az-a istinadən xəbər verir ki, bu barədə psixoloq Mark Travers “Forbes” üçün yazdığı məqalədə bildirib.
Məqalədə qeyd olunur ki, uğuru proqnozlaşdıran əsas vərdişlərdən biri monotonluğa dözmək və işi yarımçıq qoymamaqdır. Psixoloqların fikrincə, yüksək nəticə əldə edən insanlar hər zaman daha motivasiyalı olmurlar, sadəcə onlar cansıxıcı və yorucu mərhələlərdən keçməyi bacarırlar.
2007-ci ildə “Journal of Personality and Social Psychology” jurnalında dərc olunan araşdırmada “grit” - yəni uzunmüddətli məqsədlər uğrunda əzmkarlıq və davamlılıq anlayışı ön plana çıxarılıb. Tədqiqat nəticələrinə görə, bu xüsusiyyət IQ və istedaddan daha çox uğura təsir göstərir.
İkinci vacib vərdiş isə daha çətin yolu seçmək bacarığıdır. Araşdırmalara əsasən, qısa müddətli rahatlıqdan imtina edib uzunmüddətli hədəflərə fokuslanan insanlar karyera və şəxsi inkişaf baxımından daha uğurlu olurlar.
Məqalədə vurğulanır ki, bu cür davranış zamanla insanın xarakterinə çevrilir və uğurun əsas təməlini formalaşdırır. Psixoloqlar hesab edir ki, məhz insanların çoxunun imtina etdiyi anlarda davam edənlər uzunmüddətli nəticələr əldə edə bilirlər.
Hadisənin gedişatını izləmək üçün ain.az saytında ən son yeniliklərə baxın.
