ain.az, Redaktor.az saytından verilən məlumata əsaslanaraq xəbər yayır.
Milli Hidrometeorologiya Xidmətinin mayın 24-ü saat 18:00-a olan məlumatına əsasən bəzi rayonlarda yağıntılı hava şəraiti müşahidə olunur.
Xidmətdən Redaktor.az-a verilən xəbərə görə, ayrı-ayrı yerlərdə yağıntılar intensiv və güclüdür.
Beyləqan, İmişli, Mingəçevir, Şəki, Oğuz, İsmayıllı, Ağsu, Göygöl, Daşkəsən, Sabirabad, Lerik, Ağdam, Tərtər, Bərdə, Goranboy, Naftalan, Gəncə, Qazax, Ağstafa, Tovuz, Gədəbəy, Yevlax, Şəmkir, Göyçay, Culfada arabir şimşək çaxır, yağış yağır.
Saat 17:42-17:48 radələrində Kişçaya (Şəki) diametri 8-11 mm olan dolu düşüb.
***
Milli Hidrometeorologiya Xidmətinin məlumatına əsasən Milli Hidrometeorologiya Xidmətinin mayın 24-ü saat 12:00-a olan məlumatına əsasən ölkə ərazisinin bəzi yerlərində arabir şimşək çaxıb, yağış yağıb.
Xidmətdən Redaktor.az-a verilən xəbərə görə, ayrı-ayrı yerlərdə yağıntılar intensiv xarakterli olub.
Düşən yağıntının miqdarı Qaxda 47, Xaltanda (Quba) 16, Gədəbəydə 12, Naxçıvanda 9, Daşkəsəndə 8, Qusarda 5, Şahbuz, Kişçayda (Şəki) 4, Altıağacda 3, Gəncə, Tovuz, Naftalanda 2, Goranboy, Ağstafa, Şəmkir, Zaqatala, Balakən, Xaçmaz, Şabran, Ordubad, Şahdağda 1 mm-dək qeydə alınıb.
Mayın 23-də saat 18:45-18:50 radələrində Ağstafa rayonuna, saat 21:02 radələrində Şəmkir rayonu Daşbulaq kəndinə, saat 21:27 radələrində isə Gədəbəy rayonunun Qoşabulaq, Pərizamanlı, Samanlıq kəndlərinə xırda dənəli dolu düşüb.
Havanın maksimal temperaturu Bakıda və Abşeron yarımadasında 26, Naxçıvan MR-da 29, Aran rayonlarında 28, dağlıq rayonlarda isə 17 dərəcəyədək isti qeydə alınıb.
Daha ətraflı məlumat və yeniliklər üçün ain.az saytını izləyin.
