Mütəxəssislərin fikrincə, bəzi çörək növləri sağlamlığa daha çox fayda verir və hətta iltihab əleyhinə, antioksidant xüsusiyyətlərə malik ola bilər.
HİT.az xəbər verir ki, “Мartha Stewart” nəşrinin yazdığına görə, diyetoloqlar çoxsaylı çörək növlərini — mayalı çörəkdən tutmuş çoxtaxıllı variantlara qədər — analiz edərək ən faydalı seçimi müəyyən ediblər.
Ən faydalı çörək kimi tam taxıllı (çovdar və ya buğda əsaslı) çörək seçilib. Mütəxəssislər bildirirlər ki, bu çörək lif, vitamin və minerallarla daha zəngindir və uzunmüddətli toxluq hissi yaradır.
Diyetoloq Kerolin Vest Passerello qeyd edir ki, 100% tam taxıldan hazırlanmış çörək geniş yayılıb və həm də münasib qiymətə görə gündəlik istifadə üçün uyğundur.
Bu növ çörəyin üstünlüyü ondadır ki, taxıl emal olunarkən onun bütün hissələri — kəpək, rüşeym və endosperm — saxlanılır. Buna görə də tərkibində dəmir, maqnezium, B qrupu vitaminləri və faydalı bitki maddələri olur.
Uşaq və ailə dietoloqu Cian Tsyançji bildirir ki, tam taxıllı çörək iltihab əleyhinə və antioksidant təsir göstərə bilər. Ağ çörəklə müqayisədə qan şəkərini daha stabil saxlayır, həzm prosesini ləngidir və daha uzunmüddətli toxluq hissi yaradır.
Mütəxəssislər həmçinin xəbərdarlıq edirlər ki, “sağlam” kimi təqdim olunan bütün çörəklər həqiqətən faydalı olmaya bilər. Məsələn, çoxtaxıllı çörək bəzən sadəcə təmizlənmiş undan hazırlanmış qarışıq ola bilər.
Alış zamanı etiketə diqqət etmək tövsiyə olunur: tərkibdə ilk olaraq “100% tam taxıl unu” göstərilməli və əlavə şəkər olmamalıdır.
Samir
