Ayna saytından əldə olunan məlumata görə, ain.az məlumat yayır.
Donald Tramp: “Ağ Ev yaxınlığındakı atışma Vaşinqtonda prezidentlər üçün təhlükəsiz yer yaratmağın vacibliyini göstərir”
ABŞ Prezidenti Donald Tramp Ağ Ev yaxınlığında baş verən atışmadan dərs çıxarılmalı olduğunu bəyan edib. AYNA.AZ xəbər verir ki, Tramp "Truth Social"da yazıb ki, hadisə Vaşinqtonda gələcək prezidentlər üçün təhlükəsiz məkan yaratmağın vacibliyini göstərir.
"Ağ Ev müxbirlərinin şam yeməyindəki atışmadan cəmi bir ay sonra baş verən bu hadisə bütün gələcək prezidentlər üçün Vaşinqtonda özünün təhlükəsiz və etibarlı məkanının yaradılmasının nə qədər vacib olduğunu nümayiş etdirir " , - deyə Amerika lideri bildirib.
O bunun ABŞ-ın milli təhlükəsizliyi üçün tələb olunduğunu vurğulayıb.
Tramp həmçinin atəş açanın öldürüldüyünü təsdiqləyib və onu zorakılığa meylli, ABŞ-ın "ən dəyərli binasına heyran olan" bir adam kimi təsvir edib.
O Məxfi Xidmət agentlərinə və hüquq-mühafizə orqanlarına operativ tədbirlərinə və peşəkarlığına görə təşəkkür edib.
Qeyd edək ki, bu gün Vaşinqtonda Ağ Evin yaxınlığında silahlı insident baş verib, nəticədə iki nəfər güllələnib. Hüquq-mühafizə orqanlarının rəsmisi CNN-ə deyib ki, Məxfi Xidmət əməkdaşları silahlı hücum barədə məlumatı aldıqdan sonra hadisə baş verib.
Ağ Evin mətbuat heyətinin üzvləri təcili olaraq brifinq otağına köçürülüb. Televiziya kanalının məlumatına görə, Ağ Evin içərisində jurnalistlərə oturmaq əmri verilib, Məxfi Xidmət agentləri isə "yerə çökün" qışqıraraq atəş səsləri barədə xəbərdarlıq ediblər.
Daha əvvəl NBC jurnalisti Culi Tsirkin Ağ Evin yaxınlığında təxminən 20-30 atəş səsi eşidildiyini bildirmişdi.
Daha ətraflı məlumat və yeniliklər üçün ain.az saytını izləyin.
