Nüvə Silahlarının Yayılmaması Müqaviləsinin (NPT) İcmal Konfransı ABŞ və müttəfiqlərinin hərəkətləri səbəbindən ardıcıl üçüncü dəfə yekun sənəd olmadan başa çatdı.
Musavat.com xəbər verir ki, bu iddia ilə İranın BMT-dəki Daimi Nümayəndəliyi çıxış edibr: "Həddindən artıq ABŞ tələbləri NPT-ni sərbəst şəkildə çökməyə sövq edir". İran tərəfi həmçinin iddia edir ki, "nüvə silahsızlanması olmadan NPT-nin gələcəyini təsəvvür etmək mümkün deyil".
Daha əvvəl konfransa sədrlik edən Vyetnamın BMT-dəki Daimi Nümayəndəsi Do Hung Viet konfransın yekun sənəd üzərində konsensusa gələ bilmədiyini bildirmişdi.
Qeyd edək ki, 27 apreldə Nyu-Yorkdakı BMT-nin qərargahında 11-ci NPT İcmal Konfransı başlayıb. Hər beş ildən bir keçirilən bu konfrans, müqavilənin iştirakçısı olan demək olar ki, bütün 191 ölkəni üç əsas sahədə - yayılmama, nüvə silahsızlanması və nüvə enerjisinin dinc məqsədlərlə istifadəsi üzrə həyata keçirilməsini qiymətləndirmək üçün bir araya gətirir. Konfrans dünən yekun sənəd imzalanmadan başa çatıb.
Musavat.com
