Müəllif:Mehin Qasımova,Banco.az
İlon Maskın "SpaceX" şirkəti kosmosdakı süni intellekt məlumat mərkəzlərini enerji ilə təmin etmək məqsədinin bir hissəsi olaraq 10 giqavattlıq günəş elektrik stansiyası tikməyi planlaşdırır.
Banco.az xəbər verir ki, Bloomberg-in məlumatına görə, Texasın Bastrop şəhərində tikiləcək qurğu hər biri 5 giqavattlıq günəş batareyası istehsal gücünə malik iki hissədən ibarət olacaq.
Bu investisiya, SpaceX-in bu il Bastrop obyektinin ölçüsünü ikiqat artırmaq planının bir hissəsidir və bu plan ilkin kütləvi təklif sənədlərinə də daxil edilib.
Şirkət yeni Starlink məhsullarına əlavə olaraq günəş batareyaları istehsal etməyi hədəfləyir.
Yanvar ayında Dünya İqtisadi Forumundakı çıxışında İlon Mask süni intellekt infrastrukturunun inkişafını məhdudlaşdıran enerji probleminin həlli olaraq günəş enerjisini gördüyünü bildirib.
Mask "Tesla" və "SpaceX" şirkətlərinin növbəti üç il ərzində ABŞ-də illik 100 gigavatt günəş enerjisi istehsal gücü yaratmağı hədəflədiklərini açıqlayıb.
