Yaz və yay aylarının ən sevilən meyvələrindən olan çiyələk, təəssüf ki, çox tez xarab olan və kiflənməyə meylli quruluşa malikdir. Bir çox insan çiyələklərin ömrünü uzatmaq üçün sirkəli su üsulundan istifadə etsə də, sosial mediada paylaşılan yeni bir mətbəx hiyləsi daha təsirli bir həll yoluna bənzəyir.
Pravda.az bildirir ki, çiyələkləri kifdən qorumağın sirri ədviyyat qutumuzda gizlənibmiş.
Kiflənmənin qarşısını alan sehrli ədviyyat: Darçın
Sosial media platformalarında kulinariya məsləhətləri ilə tanınan bir bloqerin paylaşımı qısa müddətdə böyük maraq doğurub. Təcrübəyə əsasən, çiyələklərin təravətini qorumaq üçün ən təbii və güclü vasitə üyüdülmüş darçındır.
Darçın təbii bir antifungal (göbələk əleyhinə) vasitə olduğu üçün çiyələyin üzərində kifin yaranmasının və çürümənin qarşısını dərhal alır.
Bu üsul necə tətbiq olunur?
Çiyələkləri uzun müddət təzə saxlamaq üçün bu sadə addımları yerinə yetirmək kifayətdir:
Meyvələri yuyun və qurudun: Çiyələkləri yaxşıca yuduqdan sonra üzərində heç bir rütubət qalmayacaq şəkildə tamamilə qurudun.
Qabın dibinə darçın səpin: Çiyələkləri yığacağınız saxlama qabının dibinə nazik bir təbəqə halında üyüdülmüş darçın səpin.
Kağız dəsmal yerləşdirin: Darçının üzərinə bir qat kağız mətbəx dəsmalı qoyun (bu, artıq rütubəti çəkəcək).
Çiyələkləri düzün və yenidən darçın vurun: Meyvələri qaba yerləşdirdikdən sonra, ən üst hissəyə də yüngülcə darçın səpərək qapağını bağlayın və soyuducusuna qoyun.
Bu sadə üsul sayəsində çiyələklər soyuducuda günlərlə ilk günkü kimi təravətli qalır və kiflənmədən qorunur.
Qeyd: Darçının qoxusu və dadı meyvənin öz ləzzətinə heç bir mənfi təsir göstərmir.
Əminə Bayramova
