Azərbaycan Dəmir Yolları Bakı–Tiflis–Bakı sərnişin qatarı üzrə bilet qiymətlərini açıqlayıb.

Məlumata görə, Bakıdan Tiflisə birtərəfli səfərin qiyməti 81 manatdan başlayacaq.

Digər marşrutlar üzrə qiymətlər isə belə olacaq:

Yevlax – Tiflis: 67 manatdan
Gəncə – Tiflis: 62 manatdan
Ağstafa – Tiflis: 57 manatdan
Böyük Kəsik – Qardabani: 51 manatdan

Bildirilib ki, səfərlər müasir Stadler qatarları ilə həyata keçiriləcək.

Yeni nəsil yataq tipli vaqonların yüksək komfort, müasir interyer, fərdi xidmət və beynəlxalq standartlara uyğun rahat səyahət imkanları təqdim etdiyi qeyd olunur. Bu qatarlar 2019-cu ildə istismardan çıxarılan köhnə vaqonlarla müqayisədə daha müasir hesab edilir.

• Bakı
• Qiymət
• Səyahət
• Qatar
• Tiflis