Bizimyol portalından verilən məlumata görə, ain.az xəbər yayır.
ABŞ Ədliyyə Nazirliyi Daxili Gəlir Xidməti (IRS) ilə əvvəllər əldə edilmiş razılaşmanı dəyişdirərək, Donald Trampın vergi bəyannamələrinin gələcək yoxlamalarını və araşdırılmasını tamamilə qadağan edən bir bənd əlavə edib.
Bizimyol.info xəbər verir ki, Baş prokuror vəzifəsini icra edən Todd Blanç tərəfindən imzalanan sənədə görə, hökumət artıq Trampın özünün, ailə üzvlərinin və ona məxsus və ya əlaqəli şirkətlərin vergi bəyannamələrini araşdırılması "birdəfəlik qadağan edilib" və "məhdudlaşdırılıb". Yeni qayda müqavilədən əvvəl təqdim edilən bütün bəyannamələrə şamil edilir.
Bu qərar müqaviləyə əlavə olaraq rəsmiləşdirilib və Trampın əvvəllər IRS-ə qarşı 10 milyard dollarlıq iddiasını geri götürməyə razılıq verib. Prezidentin iddialarını geri götürməsinə cavab olaraq, hökumət siyasi təqib və "agentliklərin silahlandırılması" iddialarını irəli sürənlərə ödəmək üçün nəzərdə tutulmuş 1,776 milyard dollarlıq kompensasiya fondunun yaradıldığını elan edib. IRS əvvəlcə Trampa qarşı iddianı davam etdirməyi tövsiyə etsə də, agentliyin rəhbərliyi sonda barışmaq qərarına gəlib.
Dərc olunmuş dəyişikliklər ABŞ Senatındakı Demokrat nümayəndələrin sərt tənqidinə səbəb olub və onlar belə bir fondun yaradılmasını görünməmiş və qeyri-şəffaf adlandırıblar. Baş prokuror vəzifəsini icra edən Todd Blanç öz növbəsində dinləmələr zamanı Tramp və oğullarının fonddan birbaşa pul kompensasiyası almayacaqlarını və fondun fəaliyyətinin müntəzəm hesabata tabe olacağını vurğulayıb. Lakin Trampın keçmiş vergi bəyannamələrinin auditini tamamilə və daimi olaraq qadağan edən müddəa məxfi razılaşma müqaviləsinin ayrılmaz hissəsi kimi qüvvədə qalacaq.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
