Avropa İttifaqı Suriya hökumətinin bir neçə qurumunu sanksiya siyahısından çıxarıb.
Hakimiyyet.az xəbər verir ki, qərar Aİ-nin rəsmi saytında dərc edilib .
Suriya Müdafiə Nazirliyi və Daxili İşlər Nazirliyi, eləcə də Siyasi Təhlükəsizlik İdarəsi, Baş Kəşfiyyat İdarəsi, Hərbi Kəşfiyyat və Hərbi Hava Qüvvələri Kəşfiyyat İdarəsi artıq məhdudiyyətlər çərçivəsində deyil. Bundan əlavə, Tətbiqi Elmlər və Texnologiya Ali İnstitutu da sanksiyalar siyahısından çıxarılıb.
Eyni zamanda, Brüssel Suriyaya qarşı bəzi məhdudlaşdırıcı tədbirləri saxlayıb. Qeyd olunur ki, mövcud sanksiyalar rejimini nəzərdən keçirdikdən sonra Avropa İttifaqı onu daha bir il — 1 iyun 2027-ci ilə qədər uzatmaq qərarına gəlib.
Aİ-nin Suriyaya qarşı sanksiyaları 2011-ci ildən bəri qüvvədədir və Suriya rəsmilərinə, təşkilatlarına və iqtisadiyyatın müəyyən sektorlarına məhdudiyyətlər daxildir.
Elvin
Hakimiyyet.az
