BAKI, 19 may. TELEQRAF
“Ümid edirik ki, yaxın illərdə yaxşı nəticələr əldə edəcəyik”.
Bunu Teleqraf-a açıqlamasında kişi voleybolçulardan ibarət Azərbaycan millisinin baş məşqçisi Boris Qrenennikov deyib.
Mütəxəssis komandanın Avropa Liqasına hazırlıq mərhələsindın danlşıb:
“Biz məşqlərə mayın 4-də başlamışıq. Komandada ab-hava çox yaxşıdır. Fiziki hazırlıq üzərində çalışırıq”.
Baş məşqçi toplanışa 17 voleybolçunun cəlb olunduğunu da vurğulayıb:
“Komandaya 17 idmançı dəvət olunub. Onlardan 4-ü gənc idmançıdır. Onlar 17 yaşındadırlar”.
O, hazırlığın növbəti mərhələlərinin Belarus və İsveçdə keçiriləcəyini qeyd edib:
“Bakıda keçirilən məşqlərdən sonra hazırlığımızı Belarusda davam etdirəcəyik. Orada da təlim-məşq toplanışı olacaq. Daha sonra isə İsveçdə məşqlərə başlayacağıq”.
