Ağdamda əhalinin sayının 100 min nəfərə çatdırılması nəzərdə tutulur. Şəhərin ümumi ərazisi 1966,91 hektar təşkil edəcək. Layihəyə uyğun olaraq yaşayış sahələrinin ümumi həcmi 3 milyon kvadratmetrdən çox olacaq.
Təqdimatda həmçinin qeyd edilib ki, şəhərdə 191 kilometrlik yol şəbəkəsi və 382 kilometrlik velosiped zolaqları yaradılacaq. Bundan əlavə, 44 təhsil müəssisəsi, 77 avtobus dayanacağı və şəhər daxilində 200 hektarlıq sənaye parkının təşkili planlaşdırılır.
