Şübhəli qaçaq məhkum olub, qurbanların bir qismi onun qohumlarıdır...
Poliqon xəbər verir ki, İspaniyanın Almeria şəhərində baş verən atışma nəticəsində iki nəfər həyatını itirib, dördü isə yaralanıb. EFE Agentliyinin məlumatına görə, zərər çəkənlər arasında iki yetkinlik yaşına çatmamış şəxs də var.
Agentliyin mənbələri bildirib ki, atışma barədə ilk məlumatlar yerli vaxtla gecə saat 23:15 radələrində daxil olub. Hadisə qonşu Balanegra şəhərinin yaxınlığındakı El-Kanaliyo məhəlləsində baş verib.
Hadisə yerinə Mülki Mühafizə əməkdaşları, o cümlədən sürətli müdaxilə qrupları cəlb edilib. Yaralılara dərhal tibbi yardım göstərilib.
İlkin məlumatlara görə, atışmanı həyata keçirən şəxs qaçaq məhkumdur. Qurbanların bir qismi onun qohumları olub. Kişi hadisə yerindən qaçmağa müvəffəq olub, hazırda axtarışlar davam edir.
Hadisənin motivləri və təfərrüatları ilə bağlı istintaq davam etdirilir. Səlahiyyətli qurumlar bölgədə təhlükəsizlik tədbirlərini gücləndirib.
Poliqon.info
