"Ölkə Az" xəbər verir ki, bunu Prezident Şuyok “index.hu” portalına müsahibəsində bildirib.
"Hazırda məni istefa verməyə məcbur edə biləcək heç bir hüquqi və ya konstitusiya əsası yoxdur", - o qeyd edib.
Şuyok prezidentlik müddətinin sonuna qədər vəzifəsini icra edəcəyini qeyd edib. "Mən əsas qanuna və konstitusiya quruluşuna sadiq qalacağıma and içmişəm. Bu and məni təkcə siyasi çoxluq və ya azlıqla deyil, bütün millətlə bağlayır", - deyə o vurğulayıb.
Şuyok qeyd edib ki, prezidentin səlahiyyətlərini məhdudlaşdırmağa yönəlmiş sosial və siyasi niyyətlər var, lakin onun istefası üçün konstitusiya əsasları yoxdur.
Qeyd edək ki, yeni baş nazir Magyar prezidenti 31 maya qədər könüllü istefa verməyə çağırıb. O, iddia edir ki, Şuyokun vəzifədə qalmaq hüququ yoxdur, çünki son illərdə məsuliyyətlərinə baxmayaraq, Viktor Orbanın rəhbərlik etdiyi əvvəlki hökumətin siyasi, sosial və maliyyə sahələrində törətdiyi sui-istifadə hallarının qarşısını ala bilməyib.
Macarıstan qanunlarına görə, prezident parlament tərəfindən beş illik müddətə seçilir və heç bir yeni hökumət onun istefasını tələb etməyib. Şuyok 2024-cü ildə dövlət başçısı seçilib. Macarıstanda onun müdafiəsi üçün petisiya başlayıb. Orban və onun hazırda müxalifətə keçən Fides-Macarıstan Vətəndaş Birliyi partiyası onu müdafiə edib. Onlar hesab edirlər ki, yeni baş nazirin bu cür tələbləri son dərəcə təhlükəli bir presedent yaradır, hakimiyyətin qəsb edilməsinə gətirib çıxarır və ölkə konstitusiyasına ziddir.
Mürtəza
