Qusar şəhər Şövkət Orduxanov adına stadionda təmir işləri yenidən start götürəcək. İdman və Gənclər Nazirliyinin balansında olan arenada çalışmalar bir müddətdir dayanıb.
İdmanxeber.az-verilən məlumata görə, bu yaxınlarda nazir Fərid Qayıbov həmin bölgəyə baş çəkib. Stadionu ziyarət edən nazir arenada çalışmaların ən qısa vaxtda başlayacağını bildirib. O, hətta təmir-bərpa işlərinin gələn ilin avqustun ayında yekunlaşacağını qeyd edib.
Stadionda əvvəlcədən 3 tribuna nəzərə tutulmuşdusa, Fəriq Qayıbovun göstərişi ilə tribuna sayı 4-ə yüksəldiləcək. Buna səbəb arenanın beynəlxalq oyunlar üçün standartlara cavab verməsidir.
Yaxın vaxtda çalışmaların start götürməsi və stadionun 2027-ci ilin avqustuna qədər hazır olması gözlənilir.
