Almaniya Trampı yola gətirməyə çalışır

Almaniya hökuməti ABŞ prezidenti Donald Tramp administrasiyasını uzun mənzilli Tomahawk raketləri və Typhon buraxılış qurğularının satışına razı salmağa çalışır.

Azreform.info xəbər verir ki, bu barədə Financial Times mənbələrə istinadən məlumat yayıb.

Məlumata görə, Almaniyanın müdafiə naziri Boris Pistorius təchizatın bərpası məsələsini həll etmək üçün Vaşinqtona səfər planlaşdırıb, lakin Almaniya rəsmiləri Pentaqon katibi Pit Heqsetin görüşə razı olub-olmayacağından əmin deyillər.

Almaniya bu sövdələşmə üçün ABŞ-a daha yüksək məbləğ təklif etməyə hazırdır, çünki ölkə liderləri arasında gərgin münasibət fonunda problemi pulla həll etmək istəyi var.

Daha əvvəl Almaniya kansleri Fridrix Merts ABŞ-ı İranla müharibə üçün aydın strategiyanın olmamasına və Tehranın danışıqlar taktikası ilə Vaşinqtonu alçaltmasına görə tənqid etmişdi. 

Elvin

Azreform.info