Dünya şöhrətli müğənni və aktrisa Cennifer Lopez sosial şəbəkədə paylaşdığı qeyri-adi video ilə yenidən diqqət mərkəzinə düşüb.
Publika.az xəbər verir ki, 56 yaşlı ulduz “Instagram” hesabında yayımladığı videoda hamam otağında tam çılpaq halda görüntülənib. O, bədənini yalnız iri brilyant boyunbağı ilə örtüb.
Makiyajsız və saçları səliqəsiz şəkildə yığılmış Lopez videoda axşam dəriyə qulluq rutinindən danışıb. O, əvvəlcə üzünü “JLo Beauty” təmizləyicisi ilə yuduğunu bildirib, daha sonra serum, göz kremi, nəmləndirici, dodaq və boyun üçün vasitələrdən istifadə etdiyini göstərib.
“Yaxşı dəri təsadüfən yaranmır. Bu, sadəcə sənə verilən bir şey deyil. Sən onu hər gün özün yaradırsan”, - deyə sənətçi bildirib.
Cennifer Lopezin sözlərinə görə, dəriyə qulluq intizam və davamlılıq tələb edir. O vurğulayıb ki, gözəl görünüş gündəlik qərarların və özünə qayğının nəticəsidir.
