İsrail hökuməti İran ətrafındakı vəziyyətlə bağlı davam edən qeyri-müəyyənliyi əsas gətirərək, arxa cəbhə bölgələrində fövqəladə vəziyyəti 19 may tarixinə qədər uzadıb.
İran ətrafında artan gərginlik və hər an yenidən münaqişə ehtimalının davam etməsi fonunda İsrail mütəxəssisləri vəziyyətlə bağlı həyəcanlı qiymətləndirmələr təqdim edirlər.
Milli Təhlükəsizlik Tədqiqatları İnstitutunun (INSS) İran üzrə tədqiqatçısı Benni Sabati 103fm radiosunda vəziyyətin kritik bir nöqtəyə çatdığını və İsrail və ABŞ-ın strateji yanaşmalarının yenidən nəzərdən keçirilməsini tələb etdiyini bildirib.
O, öz qiymətləndirməsində İranın siyasi sisteminin dərin dəyişikliklərə məruz qaldığını, tədricən dini idarəetmə modelindən hərbi idarəetməyə keçdiyini və bunun ciddi risk yaratdığını qeyd edib.
