Slot VAR-dan şikayətləndi

"Liverpul"un baş məşqçisi Arne Slott Premyer Liqanın 35-ci turunda "Mançester Yunayted"lə (2:3) oyundakı VAR fəaliyyətindən narazı qalıb.

QOL.az "Sky Sports"a istinadən xəbər verir ki, mütəxəssis görüşdən sonra açıqlamasında bu haqda danışıb. Slot "qırmızı şeytanlar"ı nfutbolçusu Benjamin Seskonun mübahisəyə səbəb olan qolunu şərh edərkən deyib: 

"Həmin epizodda əleyhimizə qərar verildi. Belə yüngül toxunuşa görə qərar dəyişmək nə dərəcədə doğrudur?  VAR-a baxılaraq qol ləğv olunmalı idi. Hakim epizodu qaçırıbsa və VAR-da yenidən nəzərdən keçirirsə, qərarın "Liverpul"un lehinə verilməyəcəyini hamımız bilirik. Bu mövsüm belə hallara dəfələrlə şahid olmuşuq".