Türkiyənin müdafiə sənayesi nəhəngi ROKETSAN şirkəti ALKA adlı yüksək enerjili lazer silah sisteminin döyüş sınaqları zamanı hava hədəfini uğurla məhv etdiyini elan edib. Sınaqlar çərçivəsində sistemin yönləndirilmiş lazer şüası vasitəsilə hədəfi mütləq dəqiqliklə sıradan çıxardığı təsdiqlənib.
KONKRET.az xəbər verir ki, Türkiyə bu növ qabaqcıl texnologiyalı sistemlərdən ilk növbədə pilotsuz uçuş aparatlarından (PUA) qorunmaq məqsədilə istifadə etməyi planlaşdırır. ALKA lazer sistemi həm tək, həm də sürü halında hərəkət edən dronların zərərsizləşdirilməsi üçün nəzərdə tutulub. Bu uğurlu sınaq Türkiyənin hava hücumundan müdafiə imkanlarının daha da gücləndirilməsi istiqamətində mühüm addım hesab olunur.
Natiq Səlim,
KONKRET.az
