"Kəpəz"in baş məşqçisi Azər Bağırov Misli Premyer Liqasının 30-cu turunda "Sumqayıt"a qalib gəldikləri matç (2:1) haqda danışıb.
QOL.az xəbər verir ki, baş məşqçi əldə edilən əzmkar qələbəni şərh edərək geri dönüş edən futbolçularına və komandanı sonadək dəstəkləyən azarkeşlərə təşəkkürünü bildirib:
"Mənim üçün maraqlı oyun oldu. Görüşə yaxşı başlaya bilərdik. Amma təəssüflər olsun ki, ələ düşən imkanlardan yararlana bilmədik. Son dövlər kuryoz qollar buraxırıq. Futbolçularımıza təşəkkür edirəm ki, toparlandılar və matçın sonlarında dönüş etdik. Azarkeşlərimizə də ayrıca təşəkkürümü bildirirəm. Bizi sonadək, hətta hesabda geri olanda belə dəstəkləyirdilər".
