ABŞ və İsraillə münaqişə və ölkənin əvvəlki ali lideri Ayətullah Əli Xameneyinin ölümü fonunda İranda həm siyasi, həm də hərbi güc İslam İnqilabı Keşikçiləri Korpusuna (SEPAH) keçib. Bu barədə "Reuters" agentliyinin məlumatında deyilir.
“Müharibə dövründəki təzyiqlər hakimiyyəti dar və daha sərt daxili dairədə cəmləşdirib. Bu dairə Ali Milli Təhlükəsizlik Şurasında, Ali Rəhbərin Ofisində və hazırda həm hərbi strategiyaya, həm də əsas siyasi qərarlara hakim olan SEPAH-da kök salıb”, - məlumatda deyilir.
Yeni plan - Xamenei əvəz olunur?
Qeyd olunur ki, hazırkı Ali Rəhbər Müctəba Xameneyi ölkənin güc strukturunun zirvəsində qalır. Lakin onun rolu əsasən öz əmrlərini verməkdənsə, generalların qərarlarını qanuniləşdirməkdir. Bu prosesin İranda daxili siyasi sərtliyi artıracağı, xüsusilə milli azlıqların yaşadığı bölgələrdə, o cümlədən Güney Azərbaycanda yeni təzyiq mərhələsi yarada biləcəyi ehtimal olunur.
Güney Azərbaycan üçün çətin dönəmmi başlayır?
