Müəllif:Mehin Qasımova,Banco.az
"ABŞ-nin blokadası İranla razılaşma əldə olunana qədər davam edəcək"
Banco.az xəbər verir ki, Tramp Amerika xəbər platforması Axios-a verdiyi telefon müsahibəsində İranla potensial razılaşma prosesi barədə şərh verib.
Tramp İranın əvvəlcə Hörmüz boğazını açmaq və nüvə sazişini təxirə salmaqla bağlı son təklifini qəbul etmədiklərini bildirib.
İran limanlarının dəniz blokadasının davam edəcəyi mesajını verən Tramp qeyid edib ki, iranlılar razılığa gəlmək istəyirlər:
"Onlar mənim blokadanı davam etdirməyimi istəmirlər. Mən blokadanı qaldırmaq istəmirəm, çünki onların nüvə silahına sahib olmasını istəmirəm".
Tramp İran limanlarına tətbiq edilən blokadanın bombalamaqdan daha təsirli olduğuna inandığını bildirib:
"Vəziyyətləri daha da pisləşəcək. Onların nüvə silahı ola bilməz".
Ağ ev rəhbəri dəniz blokadasının İranın neft ehtiyatlarına ciddi təzyiq göstərdiyini və ölkəyə hər gün əhəmiyyətli iqtisadi itkilər verdiyini iddia edərək, Tehran rejiminin bu vəziyyəti davam etdirə bilməyəcəyini və razılaşma axtardığını irəli sürüb.
